تهيضت من شكواك يا بادع القيفان = وحوادث الامور تصير من قبل ذا الحين
مضت ف اول الدنيا ومرت على عربان = كما طيف حلم ما قبضناه بيدين
لزيم صفا لك لا تجازيه بالنسيان = على شانكم خلا ملازيم لدنين
تفرح حساسيد العرب لي غدوا عدوان = ولا ينتجازى راعي الزين بالشين
طريق الهوى مافيه زود ولا نقصان = ولا له مع اللي مغلق السد تبيين
خياله وبرقه زين لو يسقي العطشان = بلا شك ما تلقى رعاياه مروين
ولا فيه جبر بكيف لي يلبس السبهان = عسى نتفق مع شفكم يا أريش العين
ترى للموده خط مع ساحة الميدان = مع أهل الهوى والها سلوم وقوانين
مراعاة هلها والرفق بينهم والشان = مراعاة نجم السابعة للميازين
وراعي الغلط من بينهم حقه السمحان = سوى مزحة يوم الجماعه مصدين
يلى طار من سيد الغنادير حلو قنان = ذكرت الاله مكون ادم من الطين
سقى الله نهار فيه مريت حلو فرقان = على الخط الايسر في مكان مقرين
شمال الغدير وشرق من نايف الجيلان = مكان سقي من مدهم السحب كل حين
تجيه الوسامي والمتلى يلي من زان = نبت زعفران وينبت الخوخ والتين
تجدد صوابي منك يا مالي الذرعان = وهو قد غتم لو كان ما حن بناسين
تدوس العتب لاحلك الله على ما كان = شمدرك بشبحي يوم قفيت بالعين