قال من صاغ المثايل= يوم شاف الها دلايل
في الزمن اللي نشوفه=وانتظار الحاضرين

ونتي يا بن مسلم=في دجايا ليل مظلم
يوم كل طاب نومه=من جميع العابدين

أسجع الونه لحالي=لي ذكرت اما طرالي
واعتبر مكر الليالي=من صعوبات وزين

لي ذكرت اهل الشهامه=والمعاني والكرامه
لابة متكاتفين

أكلهم صيد الجوازي=ذا ربيع وفي خطور
مشملين ومجنبين

لي غشوا روض جوافر=أهملوا والعشب وافر
والزبيدي فصلتين

عقب مرباع وسيه=جا من الدار العليه
قال فيها زافتين

افرعوا والله معاهم=يوم ربي قد هداهم
ما حلا دية ظعنهم=يوم قد هم مجنبين

زينهم يتسابقونه=فوق عد ينطلونه
والزريقا فوق جاله=والموده والحنين

من تياسر في رحيله=مسكنه طف العقيله
يوم فيها الصيد جازي=والقطين مسيرين

أوغدوا جل اللقاح=يوم نووا بالمراح
دقها وسط العشاير=والجماعه حاضرين

قربوا زمل الحضاره=وانتووا كل لداره
والدليله يلحظونه=من يسار ومن يمين

زين عطنتهم حوايا=بالمغابط والحنايا
فوق لي يزهو بدشنه=اشقر سلك اليدين

روحوا عقب الهجيره=والمعشى من سفيره
والمحاضر صبحوها=من شريقه مبردين

عينوا في الدار هلها=هل تراحيب وهلا
جادل غالي زبونه=فوق ردفه عكفتين

قيظوا وسط الخيام=واكنزوا تمر الضمام
من غروس زرع اهلهم=في ترايث لولين

لي خذوا تسعين يوم=وابتدا نو الغيوم
قربوا حيل تعسف=يوم نووا راحلين

كلفوها بالحمول=من خيار النوق حول
حملها الدباس لصفر=في جلوده ما يلين

أظهروا والجو هادي=لا ضجيج ولا منادي
والمكاين ما اعرفوها=والعرب لمنوعين

صفروا بارض الريادي=والحلال ابطا رغادي
في دعاثير هواها=ينعش القلب الحزين

زين شراف المبادي=والقنص عاده يصاد
والمخايل لي تبنى=والمطر في كل حين

لي طلع نجم الاحيمر=قيل للغواص غادي
دير بالك للعتاد=وانتوا لمشطنين

قفلوا صوب الاهالي=وانتبه من كان سالي
خذ من الجمال رخصه=والمسافه وجبتين

البعض منهم تيامن=قال يوش وقال دامن
مر بالدوحه مغرب=جعل تسلم يا فطين

صف وارمى بالقشار=واظهروا ويلى العشار
والمدوه في طرفهن=والجماعه محرسين

هيروه وبشروه=وين يبغي وصلوه
كان بدوه في طرفهم=لو بعيد ساكنين

يا بوسالم ش انت شايف=تلني زين الوصايف
وان بغيت انساه شفته=في منامي مرتين

راعي العين الكحيله=لي خطف ناقض جديله
صابني يا بن مسلم=في ضميري وجعتين

في هواه اخشع واسايد=واتمثل بالنشايد
والرفق بيني وبينه=والموده من سنين

يوم عاد الحب ذوق=والمسير والدقوق
له تراحيب ترظف=يوم عاد هو مقبلين