يا الله يا من هو لعبده تعينه=يا من له التوحيد والملك هو ياه
ياللي بقدره عز جمع السفينه=يللي نصر نوح ومن ركب وياه
يا من حيا الارض العقار الدفينه=يا من عليها هل من سحبها ماه
يا من على عبده رقيب وضمينه=يا من بدا خيره على الخلق وانشاه
يا حميد سعد الرجل طولة يمينه=والله يوفقنا على الحق ورضاه
لي عاد مالك مع رفيقك ظغينه=خله ولا بده يفكر بعيفاه
اصبر إلي من جتك من ذاك دينه=ابن عم وانساب على جد هوياه
انت الابو والحق لك خابرينه=عيد الركيب اللي قطع راس مضماه
عيد لها باهلا وذبح السمينه=قدر وترحيب لاهلها مثناه
وان جات من خصمه تشاهد قرينه=والخيل من صوته بها ريب وقفاه
ليت الصبا ينباع باغلى ثمينه=بهديه للي تبدل الطيب يمناه
قرم يوصف به وحن خابرينه=لي لحق وسق القوم والربع تعزاه
كم علقت يمناه حايل سمينه=وكم قايد صاده يلي زان مرماه
وكم جادل تبكي فقايد خدينه=اثنى عليه حميد يوم الملاقاه
له بندق ترمي المنايا البطينه=على الخصيم اللي نقض حلف يمناه
معطيه ربي حق دنيا ودينه=زيمومها لي طول الجيش مسراه
ونفس على زين المعاني حليمه=عند البعيد وعند ساير دناياه
ذخر لربعه لي وزتهم ظغينه =لي علق الصايل شلايل حماياه
يرعون م الذروي إلين العوينه=ومن نقرة الساجي جنوب المنصاه
ومقياضهم غرس عذوقه متينه=مرفوق ما قد فلح العدو من ماه
وبعض النسابه جعل ربي يعينه=مسموح فيما شاف في نقص وان وباه
يا حميد وين السمت اللي قابضينه=وين المعاني وابتعاد المجافاه
راحت من اللي ما معاهم بطينه=وكل على ضده يدور المعاده
عاشوا سوا في حكم منجي زبينه=الصوت واحد والحوادث مغطاه
في ظل لي شيد قصور المدينه=في مهمه طراشها يابس ماه
مضماه درب طروش والا ظعينه=والا غزيو نازح الدار ملفاه
واشبع ضعيف الحال واحسن يقينه=وله في البلد حطت رواتب امشاه
زايد على ما شاف سلمت يمينه=ياما بذل في حق دينه ودنياه
وصلوا على المختار يا تابعينه=نبينا اللي بين الحق واهداه