يا ناشد م لي لها القلب ينفاي = بخبرك وانت من رجال يعرفون
هذي الزعوي اللي بها الوصف مطراي = اللي بها عزوة بحيح يشدون
من ريش سيموده الي حد لفلاي = ومقياظيهم صوب الدكاكه يقرون
جتني هدو والحظ تاتي له افراي = واللي عطاها يعله الله ما يهون
صعب المرايل يا سند كل محتاى =ما خذ جزيل المرجله هب من دون
يوم البعض كنه عن الجود مطماي = خسران لويملك مفاتيح قارون
ياليت يا صبابة البن والشاي = حد تقهوونه وحد تخلون
سود تراها قي مواريد لطواي = مثل الفحل لي ما تبع قالبه لون
يفرح بها الساقي لي حط لركاي= يوم الموارد والفراقين يسقون
اللي فحلها طاير الشوف سمهاي = نابي الفقار وكنه في الجوف مطعون
متلدن من ساس ما هوب مشراي = ولا عرض سمومه عن ناس يبيعون
جاني بها لي مواجيب رقاي = يعطي الجزيل ولا تضرا على الهون
يفداه من يبخل ولا هو بمطراي = راعي حساب وكل شي بقانون
وصلوا عدد ما ذعذع البرق لعاي= على النبي ما هل هتان المزون