مل قلب يوم مريت منزله انصدم = صدمة اللي جاه علم خبيث وافجعه
واهملت دمعة عيوني وزاد القلب هم =وكن في صدري ضوى الرويس مولعه
وعبرتي فى الصدر زادت وزاد الهم هم = هم لي ميت ولدها صغير ترضعه
بكرها باول صباها وحبه منسجم = تذكره في النوم فى نطقته متولعه
الهوى يا اهل الهوى من تولع به غرم = لي ذكر خله كثير الهموم تلوعه
لي ذكر ترف الصبا لي تلولع به عرم = لي ذكره ظولة كثير الطواري توجعه
صاحب حبه محبه عليها منحطم = حطم كاس طاح من يد غرير بصقعه
والقزاز افتل كسار واصغرم العجم = وصعب تجبيره وجمعه وصية مصنعه
تل قلبي تل حبل السواني بالهمم= في المداحة به تقفي ومرة ترجعه
ولج صدري لج خلي على غيد صدم = مر عجل في تريلة غشيم وقطعه
ولج صدري مثل لج الكناور فى الزمم= كلفوهن بالحمايل بدرب مقطعه
والحرارة زايد والوعد عاده قدم = والطريق وعور ورمالها متصرعه
فوقهن ربع نشاما وتطرب للكرم = وكل قرم عارف الرمل دربه واسنعه
لي ذكرت اللي يسلي كلامه كل هم= لي على قلبي فراقه تمكن وامزعه
مزع طير دوجو به بساروق الختم = شاف له خرب مقفي وشالو برقعه
في زمان وعشار حبر تنهزم = واختفى دون الخضيرا وصعب مرجعه
يا على بعزاك ثبني مثابة ولد عم = لي شكالك هم وقته وضيمه وافزعه
فزعة الشجعان تشفيك لوفي الحق دم=وكيف شف منك رد المثل لي يشفعه
والمثايل بيننا من تواريخ قدم = مثل وصل الحي للحي لي جا مرتعه
يا عزيز الجاري يللي حصايلك الشيم = مفني الحيران لي م الشحم متفدعه
والخوى تعطيه صونه وتعطيه اللزم = والكرم والجود ربي بشخصك جمعه
يعل ربي يقعد الحظ لك في ما تلم = لي خلق لعباد وارزاقها متنوعه
لك سلامي عد ما يكتب برياش القلم = وعد ما طبعت جرايد بآلة مطبعه
اسرع برد المثايل وعذبات الحكم = رب حالي يقبل الماء وقوته ينفعه