يا مرحبا اعداد ما داس في الوطا = واعداد وبل من سماه نقوط
واعداد من حول الحرم داس بالخطا = شيوخ وناس للسجود ربوط
واعداد من يشفي على الشيخ بالعطا =جماهير وجنود تغمل سلوط
هلا يالذلول ولي على كورها انمطا = عصاها المغني ما تحمل الصوط
تيلمد يلايمد الوحش لي نوى القطا =على شف راعيها ما هي بغطوط
عليها جديد الدشن كلف وينقطا = مخاوير رزي و (م) الحرير خيوط
هلا يا الشظيبي وجارك الله م الخطا = ومن سو دنيا للرفيق غموط
على ما تشوف انشوف وقت تلخبطا = دعاويه في فكري ما هي بسوط
تشوفه سهود مهود لكنه اقحطا = يسوى لحد وفي الكثير قنوط
يابوسعيد اطلب سريع بلا بطا = لك المال في الخدمة وعندك صوط
معك عصبة وشف مازال يربطا=ومناديبكم تلقى مكان هبوط
أنا لك ذخر بالشف والجود والعطا = وخيل لمفزاع عليك قموط
أنا قد نعست وشلت عن نومي الغطا =وسرى نا سرى وسط الضمير خبوط
هواجيس وافكار تصلب وتنحطا = وبراهين واحساس على غلوط
نشيط يلي جنتني علوم تنشطا = علوم تنومس واللسان قلوط
مضى ما مضى والعمر لابد يرهطا = وله برزخ عقب الحياة خموط
عسى حن من اهل الدين للخير نلقطا =وناخذ من اثمار النعيم لقوط
ترى الوقت يا مشكاي لو زان يجلطا = يغر الغشيم ومن وراه يلوط
خيوله للوعات المناعير تنمطا = وعدله عن الدين الحنيف غلوط
ترى الوقت لو لبسك ثوب مقشمطا = يفلك بناب في المتون قشوط
لك الشكر مني عدد ما ذكر حطحطا= حمام حذا بيت الرسول يحوط
وصلاتي على المختار ما شرع القطا = وما يزرع الزراع ويحني غيوط