أحسب أن القلب دين ومن الهم استراح =ما دريت انه راعي زبون من زبون
ليت من هو عبل الطير خفاق الجناح =بالخصايص صوب ناس بعيد يسكنون
مقصدي من سيد البيض لي بعده انزاح =واشراف الحساد دونه محدات العيون
ما يشافي فجعة الحب دكتور الجراح =وكل جرح غير جرح الهوى ظني يهون
واهني اللي ضوى الليل نوى بالمراح =ناسف همه على الله وما قدر يكون
ما تولع مع وليف عليه الدمع فاح=فوح بن فوق ضو عليها يسمرون
بوجديل كاسي المتن لي هده وماح =ذيل شقرا سامعه صوت ناس يركضون
يا عيدم الجنس لاتصير من ناس شحاح =رف بحال جابه الدوب وانتو تنظرون
أسجع الونات واسال ذعذاع الرياح =لي لفى من صوب لحباب والقلب محزون
إن بغيت الصبر مالي على كثره يواح =رب شعار القبايل لحالي يسعفون
قد كساني مرهف الحب والباقي سناح =راية كل المناعير منها يشترون
الهوى لاهل الموده طريقه مستباح =من يخلى العز ويعيش بالذل مغبون
يا بوراشد زل وقت الطرب وين الفلاح =شوف بدو عقب مقيال نووا يرحلون
مع قفور العشب واومالهم راعى اللقاح =ولية الحيران من بين طماس القرون
ذي طراة العمر قبل المصايب والنجاح =قبل ياتي راعي الحق وتحضرالديون