خف قلبي طير تزاغيه الهبوب=جنب التلواح من صوت راعيه استخار
واقتضاه العي صلف دواليب الخبوب =مستعيف وحزة الحوم قد شاخ النهار
بشهد أن جرح الموده معايي بالطبوب =كم نفس قد سقاها من الحنطل مرار
وان عذلت القلب عيا من الجايز يتوب = والهوى يحري بطوله ويحري بالبوار
كن قفل الزور من ونة الليل مخروب =ونة ما فاد منها كثيرات الحذار
يا علي ودي خويك ومروني ركوب =واشبحه بالعين شوفه لخلاتي عمار
بو جديل كاسي المتن والكف مخضوب = جيت درب قد خطف به وعد حول دار
حي من جاهه ترفع بجزلات الدروب =مثل ما جاه الحكومة لي جا المستشار
أنشد الطراش واختص من بدو جنوب =وصلهم عقب التغراب عندي راس كار
فوق نشاع الصريمه وقاضي كل نوب= ولا يسوى في الترايب من الدقه زوار
يا حبيب المول ما دونكم حد محبوب =خذ وكاد من يقين على الله سار
دار والا خاف من خالقك ياذا الكسوب =لي كسبت القلب كسب النشاما للأبكار
غرتك لطماع مالك على المر معتوب =قد بقايا الشور شورك وخيرتك لخيار
لي لفح من صوب خلي ذعاذيع الهبوب =ما غضيت بنوم ليلي مع طول النهار
حرة في الجوف منها الصدر خطر يذوب =مثل ذوب الثلج لي شاف من شمسه حرار
يعل يسقي دار خلي من الوسمي حقوب =من حقوق هد سيله على رووس الزبار