هني لمن صلى الضحى وانتهى طاريه =تفقد فروضه يوم طيري بسبقه حام
كسر في دغاميل لخضيرا وانا راعيه = سبايب هنوف عرضت لي وجيت صدام
تقود الهوا ويقودها وانشبتني فيه = بنى حبها في ضامري طابق وخيام
خذتني وقام القلب يمشي على طاريه = يلو بانصحه ما شوف لي مقدره ولحام
بها الوصف حار الظن لو عد ما يكفيه = كما مهرة مهدنها ناصي الحكام
أنا لي كنيت الحب دمعي جرى جاريه =سوى السقف لي منهد من عالي المرزام
ويا طير ليتك تاخذ الخبر وتوديه = تبلغ سلامي من هواياه في قدام
تبلغ سلامي لمن جاني وانا راجيه = على رفقة ما حط فيها شرك وسهام
تمسك بزينات الطبايع ومعنى فيه = على الظن ما حط العتيبي وحط قرام
وداده تمثنى لية الجوف وش يبريه = وقلب عليهم صايبه تكة وهيام
سمي الحبيب غالي عند من يقنيه= علم في الرعايا يلي يضوونها الخدام
سقى الله داره جعل جود الحيا يسقيه =ترسى قنوفه فوق ديرانكم يا كرام