بديت بذكر خلاق البدايد =وذكري بالرسول الفين مره
مهون كل ما عسر وكايد =عليم في دجاه بكل ذره
تكلفنا ولحقتنا الشدايد =وحن الجيب في طعس نمره
جنوب العصب من بين القعايد =يبين القرم لي لله دره
عسى يطلع لها مشروع زايد =ويفرح لي يبا وصلة مقره
تزفتا معلقة القلايد =وتطلع للنشامى زود وره
حرمهم ملكه اللي في الجرايد =ودار اللي لبس غشوه وخره
صغير السن بوعشر وكايد =عليه من المها لون وطره
نهار زيارته كني معايد =تغيب من ضميري كل حره
سقى الله دارهم براق هايد =طروقه فوقها عشرين مره
أسألك يا صمد يا بو العوايد =كريم مرزق بحره وبره
وفضله ما تولوه الحسايد =هل التنكيد واصحاب المضره
عساه للخير في خير مشايد =وراعي الحقد يجزى مثل شره
وصلى الله على راعي المسايد =نبي في المدينة مستقره