انا هاضني قاف سمعته وطارق صوت=وانا اللي سهم حالي فراق المواليف
ولا همني كون الفريضه علي تفوت =يحول الخلا من دون جالي المراهيف
جحدت الصواب وبيحت بي حياة زفوت =على اهل الجنوب اللي تقر المطافيف
بخصني هوى اللي صرت منه بحرف الموت =ولا للردي عنده تعين مواظيفي
سلامي على اللي نافل في العرب بسموت =وكساه الإله بنافلات التكاليف
ويا سعيد كل فيه زهله وحنا سكوت =صواب الهوى لي ما تجيبه متاقيف
فجعنا المفارق فجع ميت نهار يموت =على دنوته لي حط بين المصاقيف
وترى الحظ لو يسري بنا عندهم مبخوت =ولا ينعذل من دونهم يا مصاريفي
غدا دونهم لال طويل وفيه هبوت = نزل بعد لاله دون خلي مراظيف
ولا يجيبه كود مغفل ما يدان الصوت =يلي خب يقلب عاتقه والهوا ريف
طعامه سبوس ينغذى به وفيه قتوت=يلي جا زمان راحلاته مزاحيف
ويا لج صدري يلي دنو العصير فروت =يلي سافروا هلها وقد هو مناكيف
على اللي مجيه ينذكر لي شفاً منعوت =عمار لقلب ناعشاته مصاييف
تجدد صواب نقضوا به علي غموت =تجدد وباحت بي هواياه ومخيف
ويا عين يللي قام دمعك يهل خفوت =غدت له نواحي موطيات السراجيف
على من زريقه صابني هاوى منحوت =انا به خبير وبين لضلاع ماشيف
خفيت الجماعة المدوه وراعي الصوت =غدى الشف واقفى بي سخاف المشاعيف
وصلاتي وتسليمي على من دعاه الصوت=نبي توهب لامته كل تخفيف