عليك الله من اللي شوف راضي= يلوحوشك يردون المطايا
بياضك في دجى الثلثين ياضي = ومجدول على متنك حوايا
علامك ما تورع من غياضي =وشبحة ناظرك تدعي المنايا
على شوفك يصيب القلب لاظي = عليل وانت لي تقدر دوايا
سقى الله ما جرى في عصر ماضي =ووقت جاك يا ظبي الزرايا
تدلع في زمايم لفياضي =علي كيفك ولا تخشى الرعايا
عليك الدمع من الخدين فاضي = يلو با تشرعه يملا الركايا
تحاكم لك غشيم وانت قاضي = تحتك موقعه كل القضايا
صفالك أشقر حلو البياضي =وسود في محاجرها دعايا
عليك يزيد حسفي واغتماضي = ونار الحب تكويني كوايا
لعب بي الهوا لعبة رياضي = فرنجي تبرع في المدايا
سباني مثل مشاي الرماضي = بقيظ ولا توقى بالحذايا
شكيت إلمن بجرح الحب خاضي = وشطا فيه دل وهوايا
محمد عزوتي في كل حاظي = عساه مجار عن كل البلايا
ترى يابوسعيد إنقض نقاضي = صواب بين لضلاع الحنايا
دهش قلبي وصاب الراس شاضى = ودونه ما تجبر لي عزايا
صلاتي عد منبوت الأراضي =على أحمد شفيع البرايا