يا دار ما كني وطيتك مع غالي = ولا كن الصيد زين مقاييله
ولا كن مرت بك مظاهير حوالي = خلا وابعدوا منك هل المال والزيله
عسى الله يبدل حالة اليوم باحوال = كريم يعدل الوقت لي من رجح ميله
انا وين بدله والحشا فيه ولوالي = غدا في الصدر من عبرة الجوف تشكي له
تشاكيل جيب عومست ريق البال = مع خايع ودريوله ضيع الحيله
غتير غشيم ما عرف دقة الوالي = غدت بوهته مع قطعة الريس من ريله
يلي من تسند مع طويلات لقذال = مع خايع قدطاف مبعوث والديله
انا يا بو راشد كل ما طال بي حالي = على واحد ما زيد تشرد محابيله
حبيب غدت دونه مهاييف ورمال = عديم الوصايف لي عيوني تراعي له
عديم الوصايف كامل الزين باكمال = مدير العذارى والطلبات تمشي له
أنا لو بغيت أسج من سمح لقبال = غدا الميز مني مطلقني محابيله
سقى الله داره من قويات لخيال = عسى تنمطر شهر وخمسة عشر ليله
سمر بارقه وتهدمت روس لجبال = يشل الحصى ويشق روس الحدب سيله
انا دون وصله ما استمع قول عذال = غرامي وقصدي جيته يوم باجي له
انا كل ما سجيت وقت العشا التالي = طرا ما مضى والقلب كثرت ولاويله
على صاحب جدد صوابي وانا سالي = وراعي الهوى من كثر بلواه عزي له
مجيه فريضه لازم قبل لنفال = كما الحج لي واجب هل الدين تسعي له
لطيف الحشا لي ما برزا فيه جهال = على نابي الردفين ينقض مجاديله
يللي من نوى قتلي تمشكل تمشكال = غدا مثل بنور الدجى بين الزيله
هني الدليه اللي كما هجعته سالي = وانا باح سري يوم جينا مداهيله
وصلاتي وتسليمي على خير لرسال = محمد عدد ما هل منشي مخاييله