سقى الله داركم يا هل الخشوم = قنيف مرعده من الغرب بان
حقوق مدهم وبله حشود=هياله عندكم تاخذ زمان
يحدر منكم شرق قصاد = على الظفرة ولا خلى مكان
على ديرانكم ياهل السموت=ويسقى دار مجلي الثمان
بكور في غطاميل الرقيب= وفي در السويبع يوم بان
حبيب حط لي جرح مكين=وذكرني على ما قد وزاني
جسيم العود مسمر الجعود =صبرت ورحت لو حزنه براني
مدبر حالتي لو انا صويب= ولا ارفع بالشكيه للهداني
ولا عندي عن الطيب غناه=وراعي العشق مخطور يعاني
ماله من الجدا كون الونين=وحرة جوف يا الله المستعان
يجيك مسمهي مثل السليب =وتومي به طواريه ومجاني
أنا متحذر منه حذور = لكن الله على جيه رماني
خطفته فوق سلكات الخبيب =عراميس علاجيم سمان
زهت باكورها يا بن رصاص =تهاوى مثل عقب الديبران
خطفناهم ورينا بن خزينه =حمد قرم من الشرهين بان
حلب در يسد من المتاع =من الطرعات جثلات المثاني
حنازيب صفر بالوصف شيح =وسود مثل خفق الغيربان
مصافيره من الريدا جنوب =مداهيل لجده من زمان
ولاقد حل من بين القلايل =ولا في النخش لي غربي دخان
مع مرية تفرع جنوب = تجازوا من مكان الى مكان
الا يا داعي العين المظله =هدبها عكش من فوق الوجان
عساك تروف بالحال النحيل =ونفس قد عليها الموت داني
غديت الها سبب من كل ميل =وكن لي عندكم خط البيان
انا اسجع ونتي لي من طرالي = عديم الجنس ياليته وزان
ولا دونه لحاليح السراب = وبعده لي من الحجير كان
سميه عند فلاح يبيع = من الأجنس عود و زعفران
سفر به وسط ماشو جديد =بحرف الموج يوم الكيف زان
غزال فوق خده رقمتين = وشاهدهن شفا وسم الوهان
وصلى الله على طه الرسول =عدد ما غاب نجم واستبان