قال من صاغ المثايل إلي من ذب طور=في طويل معتلي يوم زادت حرته
عاد عيدك يا أريش العين كل حول يدور=يا كريم كل ذا الناس ترجي مدته
عاد عيدك يا أريش العين وانتم في سرور=يا نظر عيني وريف الفواد ومهجته
والله أني مثل طير على الوكر محجور=في زمان الصيف يوم الجبال تعلته
إن بغيت اجيك عينت من دونك سبور=كل منهم دارس والمسايل مرته
وان بغيت الصبر كني على الصبر مخطور=صبر راعي السجن لي فيه طالت مدته
قومي اللي كن وجهه يلي من طل نور=نور برق في قنوف مطرها هلته
كل ما سجيت ظالت همومي في السحور=وكل ماغضت عيوني نعاسي هجته
في ضحى ذا العيد من شاف هايفة لخصور=ذكر ما قد فات والا ليال مرته
قالها اللي يبدع القاف ويدير الفكور=وسيد الخفرات دولاب قلبه فرته
يعل داره تنسقى دوم من جود المطور=في مقاديم الوسامي مكان فرته
كبدي اللي تطعم الزاد مر وفيه خور=وعين ياللي كل ما كف دمعي خرته
وصل بوخد يسفر على الظلما بنور=جادل والورع في حضنها ما شلته
كن باقصى الجوف يا حمود دقاق الصخور=وعبرة تنساح ودموع غطت مقلته
إن بغيت اروح ثبني وساعدني بشور=يعل تجزى خير من عند غافر زلته
يا الله يا مكون تبارك وعم والزبور=ترحم اللي فيك يا زين مصلح نيته