يلي من تبعد يوصله جيب بن شاهين = يلي غبرت نابي الاطاعيس من دونه
غلام يدور المدح ويحاكي الشرهين = وياما مشى من دون حق يفنونه
يلو كون دربه بين واحد وبين اثنين = وفيه الدبل من توعر يجرونه
يلي قال راعي التكس يا امبرز الميتين =ترى موتري حقه على اللي يعنونه
يحفظه عظيم الشان بالطورمع ياسين = يفرج على ناس على الظن ينصونه
أنا اسال عن بدوان لي ما يعشق اثنين=رفيق وحساد العرب حال من دونه
عليه الحشا مفجوع ويهل دمع العين = وصبري لخلاق الذى ما يخلقونه
عساهم بحفظ الله يلي من دبروا مقفين =جدا الرمل لومدهالهم سيح بينونه
مقر لهم في اليقظ قبل النجوم تبين = مع كنة المرزم دبشهم يهملونه
كنى خلوي بدلت صوتها صوتين = بداها الفجاع ومن الترزام مطعونه
على اللي ضربني فوق الابهر بحد شين =يصوب بعينه والعرب مايصيبونه
شبيه المها بو ضامر ينقسم قسمين =وشقر ينسعها على عالي متونه
تنزح ودونه وقفوا لابته لدنين = كما وقفوا ضباط قابوس من دونه
وصلاة على المالود ضحى الاثنين= شفيع أمته لي يوم الحساب يرجونه