يوقل اللي فهيم في المقال =تماثيل علينا ما تكود
رقيق الصدر كن فيه اشتعال =وهيضنى تشراف النفود
ومن يصبر على حر الملال =وعلى مشكاي بيحت السدود
وجودى كل ما جابوا مجال =وطاري صاحب غدف الحدود
سقى الله دراهم جود الخيال =قنيف هل والماطر حشود
تربع به مطاياه الهزال =وتبني زلب الهيمه لهود
من النفس الشقيه لا تسال =على بو جادل هل الجعود
تنزح نشرهم منا شمال =عسى كل مع حيه يعود
نديبي فوق مومية الحبال =رباع ما تصوع بالشدود
تروح عقب ما مال الظلال =ومضواها على قرم سنود
يلي من شرفت حست جفال =لزمها بالرسن واقبل يقود
دقيق كنها لون الهلال =حشيم لا بخلفه لا صعود
وخبر مسندي بايات حال =عسى ليل المفارق ما يعود
نهار فيه لفينا الحلال =وقرينا مراحيل الشدود
وادعنا الجماعه بالكمال =سلام خص بزر وخص عود
و اودعناك يا سميح القبال =نهار مرنا عند الورود
وقد ذا الدمع من العينين سال =غشى الأسلاب جاريه حشود
ألايا الله يا منشي الخيال =كريم يا إلهي يا معبود
تهيي اللي عليه القلب مال =غدا به لاتشفع لا ردود
تولع به وخطر بالهبال =وعسى ما يحول من دونه حسود
شبيه الريم ملقية الغزال =عليها من تماثيله و زود
يهل معكرش كنه حبال =يهضع بعاتقه من الطول زود
وردته ورد مخمسة النهال=زعوج قبلت قدام ذود
على من حجني والحق مال =وادعاني وحضر له شهود
نفاني بالمحاكم والوبال =وصار مطالبي منه الشرود
على يا مسندي ش الله قال =براي ما تشوفه يا سنود
على اللي حال من دونه مجال =وبدا الحق قرعان الجنود
حبيب فيه ما اشتاف البدال =ولو خيرت في لم الجرود
ولا نفس الفتى دونه تسال =وهو لي شط بالقلب النكود
سلامي عد حصب من رمال =جداهم يوصله راعي القعود
وهل شيب الغوارب لي طوال =عراميس الخلا زلبات قود
على اللي بي وداده ما انشال =ثقيل صخرته ماله عدود