يقول المعنى لي قند حاله القندي=كما حال مسعور بدا النقص في سيره
ويارشيد شدوا وتركو دارهم عندي=هل الدار يعل تقودهم نية الخيره
وعيني تهل دموعها ما لها بندي =مع صايل في الجوف عرض مساميره
وطا النفس لي مر العتيبي وبالكندي =بقى اللي بقى واللي رحل خير تكفيره
وانا اشكى على الشاعر شكية وهو جندي =عريب النسب قل له يوصي مداويره
غدى لي ضياع في الوطن هوب الهند=وانا حيد بوراشد يصيب مهازيره
يدور الشقحا تلت القلب من عندي=كما تل حبل السانية لي على بيره
تهيل وتميل وريحها المسك والوندي =كما صيهد عل الوسامي مخاضيره
وانا عقب فرقا داعج العين ويش عندي = شرى من زرع زرع وحصده على غيره
سقى الله داره مدهم فيه متحندي =بروق ورعد جوده تمثنا مصافيره
هني الدليه اللي رقد مرخي الزندي =وانا باح سدي يوم قفت مظاهيره
طواري وهجوس اللي الى جاك مترندي =يخلفك من الصايب ومن النوم والخيره
حديثه حلا من در لجهال والقند =حليب الأبكار اللي يقند مع شيره