وجودى على اللي حط باقصى الضمير اعلان=وحرك كرين عندها يشتغل شيبي
وجودي على اللي شان حالي وحاله زان =وانا منه في درك الخطر كان يدري بي
ان كل ما ونيت غصب بلا برهان =على كل طاري والهواجيس تومي بي
طنفنا الضياع وضيعتي مالها عقلان = وانا اذل في دار المتامات ترمي بي
ويا لج صدري لج دوج مع حفان =يلي سافروا به الخلا عسكر الليبي
على صاحب قفيت منه وهو قطان= خلافي وانا قفيت منه مجانيبي
ويا الله يا المطلوب يا عالم اما كان= جزيل العطايا يا منشي السحاحيب
ويا من له العظمه ويا كاتب الغفران = ويا معطي الحسنه ويا دامح الخيب
تهيي وليف دونه الزور والجيبان =وحال المجن ونايفات الحراديب
وليف يصون العرض ما حط له خلان = يداري القفا من لامزات الرعابيب
جحدت الصواب إلين بي هاوياته بان = على اللي بقاصي الجوف علق كلاليب
ومن شاف حالي قال وش صايبك يا فلان=غترته بشين الحال لو كان يدري بي
ويا عود موز تيهه راعي البستان = عليه الفلج راعيه هده مساحيب
كنه حصل لي بالعطا ما اجزل السفطان =غدا الكيف عندي والولي حايش الطيب
ويا عين هلي بالدمع ما عاد به فهقان =على كل ما تاتين رووس المراقيب
وصبري شراة مدور ضيع الشيهان =تعومس على اللي يضمن الحوش ما يسيب
جليل العضود مقلم الذيل والجنحان = على الكف شله ولع القلب تطريب
عسى الله ما يسقيك يا فله المقطان =نهار بكى الطارش حشام المعازيب
بكينا عليهم والتوجاد يا حوفان =على اهل الجناب الزين والمدح والطيب
عسى مرتع قروه تنقع به الغدران = تسيل زبار راكدات الاشابيب