البارحة ونيت والقلب مجروح=من جادل عرض علي وعادي
هني لي يرقد ولا فيه ساموح=ولا شاف من فرقى الحبيب النكادي
عمري على اللي مدعي الحال مطروح=مثل السقيم اللي دنا م الوسادي
أذب في عالي المشاريف وانوح=كني على مرقاب والطير غادي
من بو ثمان كلها بيض ووضوح=وعيون تقتل من شبحها وكادي
وجدي على اللي مدرك الحال والروح=درك الضما لي قبضوها العوادي
أمسيت تلج حيام من غير مصلوح=لي قارنت نجم الثريا بحادي
خايف من الحساد والواش مفضوح=لي عاد ما تمشي بدرب الركادي
قل لي يلي من جيتكم عجل مسموح=شوفك يسد الحال من دون زادي
بدعي على عد سكنتوه بالموح=من بارق وبله وسيله حشادي