أمسات كنا مع هوى البال لاهين=ما همنا أمس .. ولا يوم .. أو غد
كنا على درب الوفا بشوق ماشين=خطواتنا أفراح .. واحلامنا ود
أيامنا نشوة معاشيق صافين=آمالهم بستان .. ودروبهم ورد
أمسات كنا بالوعد دوم وافين=أمسات كنا نحسب العمر بالوعد
واليوم حال البعد ما بيننا البين=والوقت ؟ .. حتى الوقت عن حبنا صد
ثم انتهينا عقب فرح محازين=أفكارنا جزر .. وأشواقنا مد
بالآه يطوينا لظي لاعج البين=وايامنا بالويل والهم تمتد
مرت على لفراق لليوم سنتين=سنتين ما شفته ولا طاب لي حد
ما طاب لي غيره من الناس للحين=أبدا .. ولا غيره لي يطيب في الغد