في الحزن .. بسمة أماني أشرقت باصباحها=سافرت بي للمسره من عقب عمر حزين
صوتها يومه دعاني مع رفيف جناحها=طار قلبي من مقره وعانق افراح السنين
عندها حزني نساني خاف بطش سلاحها=صوتها لله دره هامس وهادي ورزين
ياللي في رحلة زماني مركبي وملاحها=كل درب بك تمره بابتساماتك يزين
والليالي يا حناني بك تطيب جراحها=تبتسم لي كل مره يوم اشوفك تبسمين
صرت انا ف حبك أناني .. وضحكتك وافراحها=ما أبيها لو بنظره عابره .. لغيري تبين