مسموح .. مالي منك يا شوق مصلوح=عفت الرجا .. ومراقب الوصل .. والشوح
كل ماقضي لي موعد منك بصدود=جددت لي وعد .. تجدد به جروح
عشتك جروح .. وعشتني سلوة هموم=لين انتهيت بقبضتك طير مذبوح
وانا عليك اخاف من نفحة الصيف=وانته تخاف يمرني سعد وفروح
ويلي على قلب انتزع من ظلوعه=يسكن رموشك .. بس ما هو بملموح
لو ينشطر .. لو تلمسه راحتينك=لو ينهمر دمعه على القاع مسفوح
رغم الحلا .. والحسن .. والمظهر الزين =ورغم الوداعه الظاهره .. وخفة الروح
سبحان من هو منفرد في كماله=ظلمك على حسنك طغى وزاد .. بوضوح
خلك على حالك .. عسى يزين حالي=ما برتجي من فاقد الحس مربوح
والله يسهل لك طريقك .. وتلقى = شخص يذيقك من عنا الصد والنوح
وتحس باحساسي .. وتحيا حياتي=كنك غريق بلا سفينه .. ولا لوح
واما أنا لي والي أشتكي له=بصبر .. وأقول لظالم الحب .. مسموح