رحل يا فلان ذاك اللي توده=أيا بعد الدروب اللي خذنه
فلا ظني مشاكاتك ترده=كذا لايام سون لي يبنه
كذا لاوقات ما يبنى تده=تحيله نار لو هو كان جنه
صروف الوقت في جزره وفي مده=بلا تحذير تظهر ما تكنه
آيا عاشق عذابه من موده=رحيم أو شفوق لك تظنه
وهو عافك وقلبك ذاب عنده=وباعك بالرخص يا مشترنه
فلا تبكيه وانسى ولا تعده=حبيب كنت يوم مالكنه
لأنه خان بك ثم زاد عنده=وضيع ودك اللي عارفنه
تناساه ومثل ما صد صده=ما دام انه وصالك عايفنه
ودور لك مود في الموده=يجيك بشوقه اللي سايقنه
وللحساد يستنكر بشده=ويحسن فيك تفكيره وظنه
وعن دربك فلا شي يرده=ولك عهده بعمره حافظنه
يداري خاطرك لو مانت عنده=وفي عينه خيالك مسكننه
يعد الوقت في غيابك يعده=وفي شوفك فروحه يحضننه
كذا المحبوب فرحه مستمده=يكن الود لك دايم يكنه
ومن باعك فلا تحزن لصده=وبيع اللي ودادك بايعنه