ياللي بغيت من الهوى ارياح=هذا الهوى ما هو بتجارة سوق
وش خانته حب بليا جراح=مالي بحب خالي من الشوق
يمشي لهم مسراح ومرواح=بتيع هواهم في صعيب طروق
ببسط لهم راح تلاها راح=لابد من عقب الغروب شروق
وان كنت ناوي تجني الافراح=لابد ما توفي لهم بوثوق
واعلم ترى نجم السعد لو لاح=وامسى بليلك في ضوى وبروق
عنك الحزن في ساعته ينزاح=ويعود لك فرحك ويبرى العوق
بس الصبر هو للقفل مفتاح=لو طال صبرك فالفراح موثوق
وان كان خلك قد نساك و راح=فتش على عذره وعطه حقوق
أصل الجفا كلمة مرح ومزاح=مجهولة المعنى تثير فروق
ويا كم شخص مارح مزاح=وبدون ما يعلم يثير حروق
ويا كم شخص داله مرتاح=معتاض عن درب الهوى بالسوق