سر يا قلم واكتب مضامين الاشعار=جزله قوافيها مثايل طريفه
تهدى الى فخر العرب وافي الاشبار=حر تعلى الشامخات المنيفه
شيخ بنى لأبناه مجد وتذكار=يشهد له التاريخ ضمن الصحيفه
وتاذع به الأعلام مع بث الاقمار=وتنقل عنه الصوره الصحيحه الظريفه
واكب براية عزنا كل الاقطار=وتب الأمن جوه وبره وسيفه
وأمن حود الدار من كل الاخطار=ولا شاف دون الشعب بالعين شيفه
يرعى مصالحهم ويجنون الاثمار=ووفر لهم سبل الحياه الظريفه
وحقق لهم لي ما تصور ولا صار=قبله ولا يخطر على البال طيفه
أيام سفن الغوص في لج الابحار=أرست بمرفا عقب ذيك الخطيفه
وراعي الرحايل لي شكت شد الاوسار=أمست رغد ما وسد البد ليفه
واليوم هذي زفت الخط بالقار=والكهربا والماء زلال نظيفه
وحديقة يزهو بها ورد وازهار=وبروج عمران البناء المستنيفه
ومساعدات تنصرف حسب الاعمار=للعاجز اللي ما يحمل الوظيفه
جزل الوهايب كنها الغيث مدرار=أسقى الوطن وامست ربوعه مريفه
يا شيخ فضلك عم في كل الامدار=ومن جاد بالموجود ربك حليفه
زايد وشبرك زاد عن كل الاشبار=هو عزنا سور الوطن بو خليفه
أعطيت موجز عن سجاياه لكثار=وعجز القلم ما خط حتى النصيفه