يا الله يالله يا رب العلا العالي=يا مالي الأرض واطباق السما نوره
يا من لك الملك في لول وفي تالي=والأرض من رحمتك بالخير معموره
أخلفت فيها بشر يا القادر الوالي=وانزلت ذكرك على الانسان دستوره
وفضلت فيها لمن له فضل واجلالي=سادات مجد بفعل الخير مذكوره
واخص بالذكر منها ذرب الأفعالي=النادر اللي نهض من عالي اوكوره
والحر يهوى العلا والمرقب العالي=يفرد جناحه وتذعن دونه صقوره
قصدي محمد حبيب قلوبنا الغالي=اللي ندين إلولاه ورايه وشوره
وجه حي ذاك الوجه والفالي=يغيب وجه العسر في ساعة حضوره
فردة جناحه علينا في وظلالي=ويزين به اللي جفاه الدهر من جوره
غيث الفجوج المحيله سيل واهجالي=وبهجة ربيع به الانظار مسروره
واحمد ربي تجدد فيه الآمالي=من سادة الحكم واهل الراي والشوره
ساداتنا ما لنا من غيرهم والي=عهد علينا مضى من سالف عصوره
والهم ولانا ولا نخشى ولا نبالي=وطاعه لساداتنا ما هي بمنكوره
وفي اللازم ايلي دعانا اللازم رجالي=من عهد اهلنا وفي تاريخ ما ثوره
ويتجدد العهد باجيال ورا اجيالي=في حكم زايد ومن في عده ودوره
اللي بنى دولته وارخص لها المالي=من أجل ينهض بها ما يحسب مخسوره
والشعب ينعم بخير وراحة البالي=ما ضامه الدهر شداته ولا عسوره
وهذي طموحات زايد ما بها جدالي=سديد في الراي له فهمه ومنظوره
حكيمنا لي يعدل إبكل الامسالي=واللي حكم في المسايل توضح الصوره