يا لله طلبتك بالرجا .. باسط الكف=يا عالم نجوى ضميري وغيبه
انته عليم ابحالتي وانته أروف=يا رب شف لي من وقوت اتعيبه
دنيا تحدنيه على حد مرهف=ذقت الكدر منها وشفت الغليبه
وقاومتها بالصبر والصبر مزعف=مر مذاقه ما يوازي شريبه
وبيح عزا قلب به الخوف يرجف=من لاعج بين الجوانح لهيبه
وجور الزمان ودورة الوقت تخلف=كدر سماي وشفت م الوقت ريبه
قم يا رسولي بالرساله مكلف=رسالة مضمونها تحتوي به
شكوى وشرح ظروف حال تعسف=حال العنا قسم العنا من نصيبه
رسالتي تنصى هل الفضل الوظف=اهل الوفا واهل النفوس الرحيبه
تنصى الكريم اللي به الجود ما حف=عرق الندى دايم ربوعه خصيبه
حمدان بن زايد بفعله تشرف=زبن الدخيل اللي يدوره طليبه
هو فخرنا هو ذخرنا يوم نشتف=وفي حزة الضيجات هو نعتزي به
شيخ رقى العليا وفي راسها أشرف=فرخ الرار النادرات المهيبه
له بالسخا والطيب فعل ترظف=وله من صفات المجد همه وهيبه
وهذا لو حلفت بالله لاحلف=انه نجيب ومن رجال نجيبه
وانه بحال الضيق يفزع ويسعف=ويفرح به العاني ومن ينتخي به
وانا عنيتك وانت بالحاله اعرف=وفزعتك يا مفتي الامور الصعيبه
الجو غايم والبحر موجه اصلف=ولا به ملاذ الا انت لي نلتجي به
عكس الهوى شرعي يلي قلت باخطف=ضربة لحيمر مزع البوم جيبه
وقالوا تصرف قلت كيف اتصرف=يوم الفتى يصبح حريبه قريبه
ويوم ان بعض الناس قامت تطفف=يا كبرها يا سيدي من مصيبه
وصلوا على خير البشر عد ما نف=نو هطل يوده وسيل شعيبه