يالله يا المطلوب يا خير معبود=أسألك بسمك يا عظيم الجلالي
يا فارج الكربات عن كل مضدود=يا من بيدك اللطف تلطف بحالي
وتفرج لقلب من عنا الدهر مضهود=واستوحدت به حادثات الليالي
وامست همومه في الحشا صدر وورود=وضاق الفضا الواسع وضاق المجالي
وحظي على صلفات الايام معقود=وبقعا كفى الله شرها ما تبالي
مهما تحملت المشقات والكود=اليوم قلت حيلتي واحتيالي
وعنيت لك يا صاحب الفضل والجود=وصوبك موجه قصتي والسوالي
لنك بفعل الطيب والجود معدود=والطيب طبعك يا كريم السبالي
حمدان بن زايد لك المدح والزود=وفيك الذرى فيك الدفا والظلالي
حاتم زمانك بالكرم مالك بلود=يا ما انفقت يمناك من كل غالي
ولط الظفر عن سابق جدود معهود=أسلاف قوم حاميين التوالي
ساد وحمى الديره ضراغيم وفهود=بنصل الرماح ومرهفات السلالي
وعندي على قولي براهين وشهود= واللي ماله أول ماله اليوم تالي