البارحه ونيت من ضيق بالي=وامسيت ساهر والمخاليج هجعين
ويلومني لي ما درى ويش جرى لي=بارد ضميره ما شكا وجهة البين
متريح باله من الهم سالي=وانا همومي قد لها دور حولين
ولا مسته بالضيم سود الليالي=ولا عانس الدنيا على العسر واللين
بشكي لمن يفهم ويسمع سوالي=حمدان بن زايد زبون المجلين
يا شيخ لك بشرح ظروفي وحالي=وفزعتك يا ريف الضعافى المساكين
يا شيخ قلت حيلتي واحتيالي=ولا لي سواكم يا الرجال العزيزين
ضاق الفضا الواسع وضاق المجالي=يا عزوتي من غيرك يفيد ويعين
ما لي من الفزعات غيرك ولا لي=الا انت يا نجل الرجال الكريمين
وحقي عليكم يا كريم السبالي=ما لي برجا الحسنات عند المشحين
يوم اقصرت شيمات بعض الرجالي=وتنكروا لي نسيوا الطيب والزين
عنيت لك يا فزعتي والأمالي=تكفى يا بو سلطان ضايقنيه الدين
حملي ثقيل والرحايل اهزالي=ما عد تنقل شدها والدهر شين
سددت بعض الدين والجيب خالي=وبعض الديون مطالبه لين ذا الحين
وما باقى الا ابيع باقي حلالي=يا الله تساعدني على الحق وتعين
وانتم سنادي والذرى والظلالي=يا اهل المكارم يا الرجال الميامين
وانتم يميني لي تساعد شمالي=وعندي معزتكم على الراس والعين
وصابر عسى بالصبر يدرك منالي=في حكمة اللي له عباده مطيعين
والوقت عاكس بالوفا ما وفا لي=ظالم ولا عنده حقوق وموازين
وعطفك ولطفك يا عزيز الجلالي=يا خالق الانسان من لازب الطين
وصلاة ربي عد ريح الشمالي=على النبي لي ثبت الحق والدين