بسم الكريم اللي رفع سبع الاسقاف=الواحد العالم خفى كل خافي
سبحانه المعبود للعبد رواف=له رحمة من بين نون وكافي
سبحان من نزل تبارك والاحقاف=اسألك عفو منك وانت المعافي
يا رب تنصر من عطى الحق بانصاف=واتذل من ذل الفقارى والضعافي
وتعز من عزه كسا كل الاطراف=وأوفى الوعد والحر بالوعد يافي
وتذل قوم في القفا تسرف اسراف=تقرض عروض الناس بين وخافي
وتجير رجل في المواجيب ينشاف=ذرب النبا نسل الكريم السنافي
تاج الشرف منسوب من قوم اشراف=أهل المكارم والنفوس العفافي
مثل البدر لي من تكمل بلاوصاف=وشط الفرات اللي من العذق صافي
حمدان بن زايد ذرى كل من خاف=من لاذ به يضفي عليه الرفافي
كم واحد قد شاف م الدهر ما عاف=هجنه هزال وواطي القاع حافي
أضفى عليه وشال حمله بالالكتاف=وهذي عوايد حاميين القوافي
الجود باهل الجود يلقى وينلاف=والحق واضح ما عليه اختلافي
مثل البدر أنوارها تكشف اكشاف=يسري بها الساري ولو السرج طافي
والناس ناس اشكال ونواع واصناف=والتجربه برهان والعرف كافي