عفا الله من هم برا الحال وإستفحل=بخافي ضميري فيه ممساه ومقيله
إلهي أسالك واحتمي فيك وأتوسل=أسالك العفو يا من لك العفو تفضيله
عظيم الرجا من لاذ بحماك ما ينذل=كريم العطا من فيض رحمتك نحوي له
أسالك تجيب إدعاي يا رب واتقبل=دعا مومن يومن بربه وتنزيله
إلهي تفرج كربتي يوم ما من حل=إلا حيلتك يا من لك الامر والحيله
وبعد ذكر علام الخفايا عز وجل=تذكرت من ينتاب للحمل ويشيله
صبي الصمايل صاحب المكرمه الاول=جميله عليه ما تعدد محاصيله
يلي شح راعي المال بالمال وإستبخل=عليه كرم جوده احقاب نثر سيله
وذي عادة ما هو بكل بها يفعل=يا كود النجيب إللي دروب العلا نيله
حميد الخصايل ذروة المجد له منزل=رفيع المراتب لي بعيده مواصيله
يلي قيل من تعني ومن فيه تتمثل=أقول النجيب اللي نفل في عصر جيله
وهو شيخنا حمدان رجل الوفا الأمثل=عريب المجاني هامة المجد ندني له
عنيته وتعناه المثايل عبر واجمل=مثايل فهيم مدرك عدله وميله
عنت لك يا بو سلطان الامثال واتقبل=تحيات من تعني جنابك مراسيله
شذاها عبيق الورد ياسمين وفل=تحيه زكيه من صديق مودي به
صديقي على الشطات والكل دون الكل=صديق الوفا له صادق العهد موفي له
وصلاتي وتسليمي على الهادي المرسل=عدد ما شدا ورق بعالي مطاويله