سر يا قلم واكتب من الشعر مضمون=اكتب تماثيل توجه بعنوان
جواب مدلول له الشعر موزون=يوضح المعنى بتعبير واتقان
اكتب جواب ايخص به لي يعرفون=معنى الجواب بدون شرح وتبيان
ويحمل بطياته سلامي لطحنون=وتحية تهدى لشخصه بعرفان
أعداد ما هز الهوا روس لغصون=وغرد حمام الدوح في روس الافنان
سلام انوج من عطر كل مزيون =والذ واحلى من جنا نوب دوعان
أهدي سلامي للذي يستحقون =أهل المكارم والوفا لي لهم شان
اهل الظفره لي في اللقا ما يهابون=يوم الردي صابه من الذل خذلان
هم الرجال اللي بالفعال يمضون=اهل الكرم والجود ترثة نهيان
كم فرجوا كربات ناس يعانون=جور الزمان وعون الانسان الانسان
هم فخرنا هم سادة المجد وحصون=يذري بهم لي خاف من جور الازمان
نلقى بجانبهم لنا عزه وعون=وندرى معزتهم مداراة الاعيان
وحنا بواجبهم جنود يلبون=صوت الندا لي ثار بالجو دخان
عادات اهلنا هوب قول يقولون=أفعالهم يروي بها كل ديوان
وعلى الوعد ما ننقض العهد ونخون=نصدق وعدنا عند زيغات الاذهان
وهذا وانا يا شيخ نكرم وممنون=من جانبك يا فاعل الخير واحسان
وانتم اسنادي يعلكم ما تهونون =والحال واحد كلنا اصحاب واخوان
ويالله يا عالم خفا كل مكنون=يا من لك التوحيد بالسر واعلان
تسقى جيار العين يا والي الكون=غر المزون اللي بها البرق زفان
وسمي مبكر هوب في تالي السون=تمسي بها البكحا سيول وغدران
ثور بعشبه بين وديان وغشون=وغرد بها القمري على كل الالحان
وترتع بها ذيدان بدو يشدون=يوم البداوه شانها عندهم شان
أبعرب أصايل من على نسل سمحون=وفيها عمق نسل الاصيفر وصوغان
ويوم الزمان الشح في درهن عون=عرب لبنها به غدا كل جيعان
وان صاح صياح النذر في ضحى الكون=أكوارهن يعلى بها كل ديقان
تلحق بربع في طلبهم يثارون=وتبرا لهم قحص الرمك فرق الارسان
عصر مضى لاسلافنا هوب هاللون=من فضل ربي كلها خير وامان
وصلاة ربي عد ما هلت مزون=على رسول الله من نسل عدنان