يا الله يا عالم خصات الانساني=يا مالك الملك والتوحيد سبحانه
تقبل دعا من دعاك بسر واعلاني=وحدك وانت الوحيد بصادق ايمانه
وانت المعين العوين إن قلت اعواني=فيك الرجا يا كريم عالي شانه
ومن بعد ذكر الاله انشيت قيفاني=والشعر في مزملي شرعت بيبانه
في شف من له يسطر خط عنواني=وينصاه نظم القوافي شرح تبيانه
طحنون قصدي رفيع القدر والشاني=النادر اللي رجح بالعدل ميزانه
حر شهر واعتلى في راس ما باني=في هامة المجد لبس المجد تيجانه
شيخ يمينه فسرها جهر واعلاني=نبع الصخا ترتوي به كبد ظميانه
وعرش المكارم علا به حاتم الثاني=سيس اركونه وعلى صرح بنيانه
شبل الأسد لي بظلمه يامن الجاني=يرد شانه ويبرد حر وجدانه
ويزين به المستظيم وملتقى العاني=يمناه ما تنحدر في حجر بيطانه
وتعناه وتلوذ به من جور لزماني=وننخاه لي طالب الديان ديانه
هو غيثنا لي تردى الوقت وان شاني=ينظر بعين الرضا ويغيث عربانه
ويا شيخ جار الزمان ووقتي أقصاني=ومن ضده الوقت صوبك قادت اظعانه
وعنيت لك يا الكريم وراد بك شاني=من غابر الوقت من ظلمه وبهتانه
الدهر يا سيدي قام يتحداني=يصول ويجول سيف الغدر بايمانه
صبرت واخفيت ما بي سر كتماني=لكن الايام باحت سر كتمانه
ولولا الرجا فيك ما خببت ركباني=والشعر جدواك ما عنيت قيفانه