سلام ياهل المجد ياخيرة القوم=سلام مع فايق جميل التحيه
أزكى التهاني والأماني لكم دوم=تنزف من قلب الوطن والرعيه
ودام الفرح في داركم يا آل مكتوم=ياهل الوفا ياهل النفوس السخيه
كل حضر للتهنيه حفل هاليوم=مشاركين ابفرحه عالميه
افراح من عرضه نزيه عن اللوم=حمدان بن راشد زبون الونيه
رقى شموخ المجد بفعال وسلوم=خذها من اجداده وابوه وسميه
ريف الضعيف اللي من الدهر مضيوم=ذخر وعز للوطن بالحميه
لي من نصى له عاني رد مكروم=يمناه ياما قدمت من عطيه
ويا نعم باخوانه محمد ومكتوم=ساس المكارم والمواهب سنيه
في ظلهم ما يشتكي حد مظلوم=بقيادة اصحاب العقول الذكيه
وشاهدت من ضمن الحفل ظمر كوم=هجن على قطع الخرايم وحيه
كم درهمن في سحب البيد بقروم=عهد سلف لاجدادنا الاوليه
وكم اوردن عد بنى الدري به سوم=وكم اقطعن ذيك الفيوي الخليه
واليوم صار إلها عتبار ومرسوم=يشجعن ولهن تقدم هديه
بي دورن في ساحة الريس زمزوم=يتنافس للجايزه الأوليه
حق الاوايل تنحسب عشرة ارقوم=وحق اللقايا والجذع والثنيه
تكريم للعاني وتشجيع مفهوم=يا واحسف لي ما اركضت له مطيه