خط القلم في ناعم الطرس بسطور=أزكى تحياتي وأجزل سلامي
سلام أنوج من رياحين وعطور=والذ واحلى من شراب لظامي
على الذي فعله مع الناس مذكور=ساس المكارم من خوال وعمامي
حر تعلى في عليات لوكور=وبدر البدور الجاليه للظلامي
شعاره الاسلام نور على نور =وهبه من المعبود رب الأنامي
وجه مبش وخاطر دوم مسرور=للجار والعاني قدر واحترامي
ريف الضعيف اللي من الدهر مضرور=وجزل العطايا لي عطا ما يسامي
يابن خليفه يعل تبقى لهم سور=عن تايحات الدهر يا بن الكرامي
يا شيخ انا ما اشكي من الدهر معسور=دامت حياتك يا عزيز المقامي
الا تعابير المثايل لها دور=ومدح الرجال الطيبه هي مرامي
وتسلم وسلم لي على ربع لحضور=عندك واكرر لك جزيل السلامي