أنا البارحه يوم الخلايق مذاهيلي=لذيد الكرى من مقلة العين جفالي
أراعي نجوم غربت تالي الليلي=لها من غروب الشمس مجدل ومدهالي
أجاذب ونيني من عنايه وغرابيلي=ونيني ونين مصوب ضرب في التالي
غدر به طليبه والجوارح مغاليلي=خذ الثار من له ثار ويروم يحتالي
وانا والقلم في شرح تفصيلي=أسطر جزيلات المعاني من امثالي
وعناوين مضمون المثايل وتاويلي=رسالة وفا لاهل الوفا بيد مرسالي
جدا سعيد بن طحنون تعنى مراسيلي=سلام وتحيات بتقدير واجلالي
سلام من اعماق المشاعر بتبجيلي=سلام حلا والذ من در لبهالي
سلامي عليكم عد وبل المخاييلي=حقاب نثره يوده به الحزم قد سالي
وعدد ما لعى ورق بروس المطاويلي=وما داعبت شرتا الصبا غصن ميالي
لكم يا كرام القوم عز وتفضيلي=ومحبة وفا واخلاص من غالي لغالي
بكم توجد الشيمه خيار المحاصيلي=كسبها عزيز النفس من عم وخالي
واخيار الخصايل فيك يا سعيد توحيلي=عليها شهود أفعال ذربين لفعالي
عن اما سمعت وشفت فيكم تنافيلي=تميزك من غيرك بلا شك واجدالي
كريم حشا ما قيل في عرضك ابخيلي=سخي وفي كلمة الحق تنقالي
سخا النفس تملك به ارقاب الرجاجيلي=وبذل العطا ليمن تيسر لك الحالي
ويا شيخ جعل ايام سعدك مقابيلي=بجاه الكريم اللي على عبده موالي
عظيم الرجا لي نزل الحق تنزيلي=على المصطفى سيد الورى ختم الارسالي