البارحه جفني عن النوم مصدوف=أرعى نجوم في سماها منيره
أمست هواجيسي على ثومة الجوف=تطرق طوارقها وعيني سهيره
أسبابها وقت به صدوف وظروف=وقت خطا عن مسلك العدل سيره
يا بو مبارك يا ذرايه عن الخوف=يا فزعتي يا عزوتي والذخيره
وجهت لك شكوى بمكتوب مظروف=لولاك ما بيحت خافي السريره
أحيد لك فضل وجمايل ومعروف=ولك عادة من ينتخي لك تجيره
علي مطلب دين وحساب مكشوف=وانته رصيدي يوم أحس بقصيره
والله يفرجها على كل مشغوف=وتهون الشدات لو هي كبيره
هذا وانا يا صاحب الجود مكلوف=فكري مشتت بين هم وحيره
وطبع الدهر يا بو مبارك غدا عوف=اشتريت من كفيه كاس المريره
حد يغني له على طار ودفوف=وحد يراويه الفعول الضريره