سر يا قلم واكتب جواب بعنوان=يحمل ابطياته سلام وتحيات
مرسول لك يا عالي القدر والشان=يا بو المكارم والسخا والمروات
يا فزعة المضيوم من جور الزمان=تفزع ولك في هامة المجد وقفات
يا سيف يا رجل السخا ويا بن حمدان=الطيب طبعك والكرم فيك عادات
يا ما طعيت ابوافر الخير سفطان=فيض السخا مدة يديك السخيات
يا مكرم الضيفان حيل وحيران=وترحيبة تثنى لهم عشر مرات
واخوانك الادنين عيسى وسلطان =نعم الاخوان أهل النفوس الوفيات
المدح في الطيب معزه وعرفان=والا الردي ما له معايه امجازات
ومن يفعل الاحسان يجزى بلحسان=وانتم لها يا سادة الجود بالذات
وانا مع الطيب قرابه وخلان=ويا حبني لاهل النفوس الزكيات