وانت يا قابوس مجد على مجد جليل=وانت نبراس العروبه ولك ونيشانها
وانت رمز امجادنا بالاصاله يا أصيل=للعرب تاريخ وانت لنا عنوانها
الجزيره تفتخر بك ولا تشكي عضيل=دامكم يا صاحب المجد احد اركانها
ونفتخر بسياستك وانت لي مثلك قليل هو كل من عسفها قبض برسانها
أذعنت لك عقب ذيك الهوايل والصهيل=وافتحت لك برها والبحر بيبانها
وانت في تاريخ مجدك عملت المستحيل=وانت سيست الحضاره بنيت إنسانها
وانت لميت الشمل من عقب ما هو قليل=واستتبت واستقرت وحل أمانها
واصبحت دوله عظيمه لها وزن ثقيل=خيرها غطى ثراها مع جيرانها
واصبحت خضرا جميله لها دوح ظليل=جوها منعش وينعشك ريح البانها
والجبال الشامخه سمر تحضاها النخيل=والنهور الجاريه مرويه عطشانها
والورود اليانعه في خمايلها تميل=يا سعد روادها يا بخت سكانها
فايض خيرك عليها عسى عمرك طويل=وانت سلطان السلاطين يا سلطانها
من زرع يحصد وزرعك جميل في جميل=والجمايل منك ما ينجحد عرفانها
والدلايل في عدالتك ما تبغي دليل=مثل ما شمس الضحى واضح برهانها
لك تحياتي وشكري وتقدير جزيل=من مشاعر شاعر لك نظم قيفانها