يا الأمير المفدى يا السخي الكريم=الخصال الحميده انت عنوانها
أشهد انك زعيم ومن سلالة زعيم=وللزعامه مواري وانت نيشانها
وللقياده قيادي وللسياسه حكيم=وانت قيدوم ربع تحمي اوطانها
مكرمين الصديق وملجمين الخصيم=ولا تقود السرايا غير ظفرانها
والسوف المواضي مثل برق العتيم=في رقاب الأعادي تقرش اسنانها
في نهار تواقد مثل يوم الجحيم=فيه قحص الرمك تورد بشجعانها
وعهدكم عهد خير وفي رخا في نعيم=والعهود الوثيقه تصدق إيمانها
والوطن فيك يفخر من جديد وقديم=موطن لآل ثاني خير سكانها
ومشعل النور أو مشعل بليل بهيم=ودوحة الخير شيد ساس بنيانها
يا ذرا المستجير وفزعة المستضيم=فيك تلجا الضعافا إلى الدهر حانها
انت غيث الديار وفيك غيث عميم=سيل يودك حشود عم ريضانها
ولك تعد الثنا روادها والمقيم=الأمن مستتب بعهد من صانها
أمنوها رجال بفضل رب عظيم=والنوايا الحميده خير برهانها
دام حكمك عليها عليها يا الحكيم الحليم=دولة فيك تظفر والعدل زانها
محرك البحث
عدد قراء القصيدة : 
تاريخ الإضافة : 
