يقول الذي زين المثايل يدونها=يفسر معانيها يلي من نشد عنها
معاني قوافيها صريحه وواضحه=يلي من سمعها ناضج العرف عنها
بديت الجواب بحسب فهمي وقدرتي=تنقيت من الامثال ما دل واحسنها
سلام وتحيه وابتهاج وفرحه=بقادة مسيرتنا ومجلس تعاونها
هلا مرحبا ياذروة المجد والعلا=ويا من بنى صرح الحضاره ومكنها
ربوع الجزيرة تفتخر في وجودكم=بيوم اللقا تفرح ويفرح مواطنها
على كلمة الوحده تحقق مصيركم=وعلى سنة الرحمن يعلن تضامنها
قيادات شعب نهجهم منهج الهدى=روابط عقيدة دينهم ما الحدوا عنها
رجا الشعب فيكم يا هل المجد والوفا=تكاتف وتوحيد على الخير نعلنها
بكم ندرك المطلوب في كل محفل=ولكم كلمة من يدرك العرف يتقنها
عسى في مساعيكم تحقق امالكم=بجاه الكريم اللي بسط الارض اسكنها
بنيتوا لنا سور حصين به الذرى=درع الجزيره اللي يذود العدا عنها
بنيتوه من شعب وفي ومخلص=حماة الوطن درع نشا من معادنها
يسومون غالي الروح في ساحة الوغى=يلي قيل من هم قلت ربعي وانا منها
لكم باللزم وافين بالعهد والذمم=وعن الطاغي بلدنا نحصنها
خليج توحد رايته في حمايته=على جدول القمه قراره تضمنها
وكذلك أراضي القدس لبوا لشعبها=لدعم النضال ادوا لها ما يمكنها
يجودون مما جاد من جد واجتهد=رقى في شموخ المجد واعلى مساكنها
واهدي لكم مني سلام وتحيه=نيابه عن الشعب الوفي واثمنها
على بذلكم في جدكم واجتهادكم=لتوحيد راية عزنا في مداينها
وما قال بالكندي اذا كان يلزم= سؤال تراني كلمة السايل أفطنها
اجيبه واوضح له معاني قصيدتي=اذا خل في نظم القوافي توازنها
وارجو العفو من خالق الارض والسما=وعذر من القادة ومجلس تعاونها