سلام مبدا مع تحيتنا=ممزوجة من شذا ورده وريحانه
سلام ياهل الوفا ياقادة امتنا=يا من بنى الساس صرح المجد واركانه
يوم اللقا سادت الابدان فرحتنا=وكل يعبر عن إما كنه لسانه
مجلس تعاون يحقق كل رغبتنا=على طريق الهدى تشييد بنيانه
المجلس اللي اشتضافت فيه دولتنا=أهل الوفا كاسبين المدح شجعانه
بالعلم والحلم عززتم عقيدتنا=سنة نبينا وقول الله بقرآنه
تاريخنا شاهد منبع حضارتنا=صفحة شرف عدها الاسلام بايمانه
يا قادة الشعب بالتوحيد رايتنا=وانتم رجانا لهذا الشعب واوطانه
هذا رجانا وهذا اليوم هقوتنا=فيكم وفي من خشى ربه برضوانه
لبوا ندا المجتمع واصغوا لكلمتنا=ابن الوطن بارقابكم امانه
وانتم تعرفون بالغايات رغبتنا=والبيت ما يندخل من دون بيبانه
حثوا المسيره وهيوا كل طاقتها=الله عز الاسلام وذل عدوانه
مع كل شعب وفي نربط علاقتنا=توطيدها في نفوس هوب خوانه
التفرقه ضعف والوحده معزتنا=والعز لا شك بيد الله سبحانه
والحق والصدق شيمتكم وشيمتنا=والشاهد الله على قولي وبرهانه
ودرع الجزيره بعون الله قوتنا=عليه نبني الامل والنصر عنوانه
رواده اللي تكيد المعتدي إلفتنا=وصقور جوه تغطي جو ميدانه
تسوم الارواح تاصل عند حروتنا=إلي جا نهار يغطي الارض دخانه
عز لمن عزهم درع لديرتنا=يردون حوض المنايا ورد ظميانه
والله ينصر سيادتنا وسادتنا=بجاه من زار بيت الله واركانه