باسم رب الكون علام ما تخفي الأنام=جل شانه مالك الملك بعباده بصير
عالم الخصات من رحمته منشي الغمام=جابر العثرات من لاذ باسمه مستجير
بعد ذكر الله تخيرت في بدع الكلام=والقريحه عبرات ما يخفيه الضمير
نرفع آيات التهاني لعالين المقام=بالمحافل والإذاعه ومن عبر الأثير
يا علي نهديك منا التحيه والسلام=وتندى لك من محب لوحدتكم نصير
لك تحيات الوفا والمحبه والوئام =من زعيم بلادنا صاحب الشان الكبير
زايد اللي قاد شعب الامارات الكرام=زايد اللي للعروبه بصرها والنظير
قادنا نحو العلا واعتلينا في السنام=وانتهى عصر الشقا والتخلف بالف خير
سادها وامن حماها وله قصد ومرام=قصده الجمعا وتوحيد رأي مستنير
مقصده بنهض بشعبه ويوليه اهتمام=ومقصده في كل دار له اخوان وسفير
ومثل هذا اليوم يعله يعود بكل عام =يا موحد راية اليمن في وحدة مصير
نفتخر بقيادتك يا سلام .. ويا سلام=أنت قايدها المظفر ومفتيها الخبير
أنت وحدت القبايل وشرعت النظام = وانت أخوهم وانت أبو للصغيره والصغير
وانت رجل المهمات عينك ما تنام=في مساعيك الحميده لك انجاز كبير
وكلكم ياسادة العرب سيروا إلى الامام =وكلكم قاده وساده ولا فيكم غتير
وحدوا راياتكم وانبذوا كل انقسام=احذروا كيد الأعادي ترى الموقف خطير
العدا تلتف من حولنا شرق وشام=نتقي شر الفتن والحذر قبل النذير
العقول النيره ما يغدي فيها انفصام=تستمد الحلم والعلم بكتاب منير
واكتفيت بكلمة قلتها مسك الختام=ألف صلى الله سيد الخلق البشير