من إمارات الوفا والمحبه والوئام=ومن زعيم قادها للعلا والمستحيل
الزعيم اللي له الرايه العليا مرام=رايته في هامة المجد من عهد طويل
بدرنا الوهاج مجلي مغاليس الظلام=رمز وحدتنا له الفضل والفعل الفضيل
زايد اللي وحد الصف واولاه اهتمام=لم شمل شعوبنا من عقب ما هو فليل
جيت مرسوله بحمل التحيه والسلام=والمشاعر صادقه ماتبي شرح ودليل
أحمل آيات التهاني لعالين المقام=والجميل يرد لاهل الفضايل والجميل
يا مليك المملكه يا اليمام بن اليمام=السلاله هاشمي يا الأصيل ابن الأصيل
لك اجلال ولك معزه وقدر واحترام=في مواقفك النبيله لك الفعل النبيل
بالسياسه والفراسه وتوليت الزمام=والعداله في يديك الكريمه ما تميل
انتهض صرح العروبه بقادتها العظام=ومن تكفل في بنا الصرح له ربي كفيل
وحدوا راياتكم وانبذوا كل انقسام=خلوا أعداكم تقاسي المراير والهويل
وراية الاسلام تعلا على هام الغمام=دامكم يا قادة العرب تحمون الدخيل
بالتضامن والتضافر تضدون الخصام=ونستمد المجد بالعزم ونحمل الثقيل
من إمارات الوفا والمحبه والوئام =من زعيم قادها للعلا والمستحيل
جيت مرسول بحمل التحيه والسلام=والمشاعر صادقه ما تبي شرح ودليل