يا بلادي موطني يا اغلى وطن=موطن الأحرار والشعب الأمين
استتب الامن قي كل المدن=في لواء الاسلام والحق المبين
تحت راية من دفع دمه ثمن=عن ثراك وطهره م الطامعين
وزايد القايد به المجلس علن=ربي الدوله بحكمه مرتضين
ملتجا الخايف يلي منه زبن=نفتخر بسياسته .. سبع العرين
لبسك ثوب السعاده والأمن=جارك الله من عيون الحاسدين
بازدهار العلم والوحده معا=أصبحت دره تعجب الناظرين
عن جمال البيض فاقت بالحسن=تاجها تاج الشرف من لاقدمين
جنة فاقت على جنة عدن=في ذرى من هو لها درع حصين
لك غلا في مهجتي حل وسكن=لك محبه عندنا ما ترخصين
حبك الصادق ترسخ في البدن=في خلايا الدم في عظم الوتين
عبر جيل فات وايام مضن=حاميين إحماك بالسيف السنين
يشهد التاريخ لك عبر الزمن=في العهود السالفه والأولين
جوهره ترجح بتخمين الوزن=لو دفع طواشها سعر ثمين
يعل يسقى حيها يود المزن=قدرة الرحمن رب العالمين
من حقوق الغيث رعاده يدن=وبارقه عقب العشا يسري زفين
الله الواحد وزايد والوطن=له ملبين الندا له مخلصين