قال الذي في بدع الامثال ينظم=وفي الشعر بيطار اذا جا مجاله
وقصدي بها راعي الجناب المكرم=شيخ رقى العليا يعزم وبساله
زايد سديد الراي بالحلم والعلم=وملجا الضعيف اللي نصاه وعنى له
يوم ابتدا المقناص وانوى وعزم=بالخير والتوفيق كل دعا له
حث الرحيل وفي المقانيص خيم=ومرافقينه سرية من عياله
ومن كل شغموم مكرم ويحشم=له بالولا وافين في كل حاله
ونقوة حرار تطلب الهارب بدم=يطون عليها طي حبل المحاله
وصار المرا من بين الاشقر والادهم=وهدوا وكل نال غاية مناله
هدوا معيد كن في صايده سم=قرناس حر شايعات افعاله
وهذا يهد وذاك نادوه يلزم=وهاذاك قد حول بها في شماله
وذا ينعزل منه وهاذاك ولم=يبغى الحبارى تقوم قدها قباله
والكيف طاب وراعي الفرخ علم=واستانس القنيص وارتاح باله
وهذي طراة العمر يوم الله اقسم=مخوة أصحاب الوفا والعداله