يا طير يللي صادفتك المقادير=والله قدر بك واصبح الوكر خالي
موتك حدث ما له سبايب وتبرير=قدره من المعبود ذا والجلالي
وفي اللي مقدر ما تفيد المحاذير =لو كان تزين في الركون العوالي
وفات الفوات وقلت يا الله عسى خير=نعتاض فيه اللي على كيف بالي
خطوى اشقر ما قلبوه الصقاقير=دقة ارقوم الريش نقش الزوالي
ما هوب من هشل الطيور المغاتير=غالي زبون ومن طيور غوالي
من عند شيخ بالصخا يفعل الخير=لي عمنا جوده من اول وتالي
حمدان بن زايد زبون المقاصير=وريف الضعيف اللي حدته الليالي
كريم سبلا ما يحاتي المخاسير=جزل الوهايب ما يمده لهزالي
وكد قالوا الصقار يحسف على الطير =وانا حسفت وضايق بي مجالي
سوت هجوسي في حشايه نواحير=قالوا تسلى قلت ماني بسالي
التسليه رفقة رجال مناعير=في خايع قفر من البدو خالي
كاسيه من نبت لمبكر مخاضير=نبته تميل به هبوب الشمالي
هاذاك مقصودي ولا لي سنع غير=وشفي ورغبة خاطري والمنالي