يقول الذي زين المثايل تعابيره=فهيم المعاني يسخر القاف تسخيري
واصور عريب القاف في حسن تصويره=واجيد معناه الي خطا لمعنى غيري
وعناوين قافي طلعة الشمس المنيره=رفيع المراتب دون شرحي وتفسيري
وهو شيخنا طحنون ما لي هدف غيره=هو القصد والمعنى بشعري وتفكيري
حميد الخصايل طيب الذكر والسيره=وصبي الصمايل من رجال مشاهيري
يلي ضامني وقتي بجوره وتاثيره=أجي له ويفرج ضيق صدري وتاثيري
هو اللي بحزات الشدايد لي ذخيره=سنادي وذخري في الليالي المعاسيري
تعنيت له بازكى سلامي لتقديره=سلام من احساس المشاعر بتقديري
شذا الورد والريحان نفحة عنابيره=والذ وحلا من در عرب أباكيري
ونهار على المقناص نويت بالسيره=عساها من المولى بدريك تياسيري
وحفظك الله اللي بيده الخير والخيره=عظيم الرجا لي له جميع التدابيري
نويتم على الطرشه وكل نقل طيره=نوادر حرار من اخيار المواكيري
وصقاقيرهن ربع لك اسناد وذخيره=عيال الحمايل حاميين المقاصيري
ونقوة حرار الشام ما فيهن امعيره=تهز المناكب مثل هز البواتيري
وخطات أشقر لي طلعوا به صقاقيره=نتل عاتقه كنه غليث الجوافيري
ولي فرع القرناس ما صابته حيره=يمد النظر بارض سهال ومقافيري
بخد نباته زاهي به نواويره=تلجلج بريضانه طيور العصافيري
من أول بزوغ الفجر تسرح سياييره=بذيك الفجوج اللي بها الصيد ما ذيري
بها الصيد رتع ما به قنوص اتذيره=مقر الجوازي والخروب المخاميري
وتواطوا عليهن وطية القوم لمغيره=وغدا الريش فله في الوطا والدعاثيري
هذا ايعد وذاك معطي الهدد غيره=وذاك يطلع له لربد مدابيري
وهاذاك طيره يوم هده خفا سيره=وقف يتلوح له بروس الشناظيري
غدا طيره اللي ما يعوضه بدل غيره=وضوى خاطره عمس بهم وتحاسيري
ومعيضك من الفايت حسافه وتحسيره=غدا طيره الغالي مثل ما غدا طيري
عزاك الوحيد اصبر عسى في الامر خيره=يجينا العوض من طايلين الاشابيري
بخطا نادر من بر فارس مواكيره=يعوضك في طيرك وانا في رجا طيري
وصلاتي وتسليمي على طيب السيره=نبي الهدايه صاحب الوجه لمنيري