يالله يالمطلوب يا عالم الغيب=يا مالك الاملاك رب البريه
يا خير من يدعى وللداعي مجيب=منك الرجا يا عالم بالخفيه
ومن بعد ذا أثني بجزل التراحيب=مندوبكم يا سهيل جاب الهديه
الطير ضاع وعوضوني المعازيب=في طيري اللي راح فوت عليه
الطير جاني عند رجل المواجيب=هدية يا كبرها من هديه
هدية من عند لي يفعل الطيب=رجل المكارم لي يقدر خويه
تاج الوفا والجود ذيب ولد ذيب=يمناه في كسب المعالي رهيه
أهدى لي طير حسين التعاجيب=فرخ الحرار النادرات النقيه
اشقر تحالى عاتقه نزغة الحيب=أبيض نحر والا لمتون اذهبيه
جبر الثنادي والمناكب محاديب=من حجر عينه تشرق الشمس حيه
طير اخيار وهقوتي فيه ما تخيب= بين الطيور الشقر ما له وبيه
نباه حق اللي تقافن مهاريب= يلحق شمق بالشارده لوليه